Egte Boerseep Gel

Boerseep-gel is boerseep se tweelingsuster - net in die vorm van ‘n gel. Soos haar suster is sy ‘n natuurlike, omgewingsvriendelike, veeldoelige reiniger. Sy is onder andere ‘n plaasvervanger vir waspoeier.

Maar haar talente is nie tot wasgoed beperk nie! Sy was ook graag vloere, teels en ander werksoppervlakke. Ewe tuis in die kombuis en  badkamer. Jy kan selfs jou potte en panne daarmee was!

Boerseep-gel werk sagkens maar doeltreffend. Hardnekkige vlekke staan nie ‘n kans nie. Sy is enige kol se moses - gras, modder, olie, wyn, bloed en vet. En boerseepgel met blousel voeg die witter-as-wit by enige bondel wasgoed.

Sy hou ook jou wasmasjien skoon en vars. Dit bevat geen skadelike chemikalieë of bleikmiddels nie en is 100% bio-afbreekbaar. Geen aanpaksel op jou masjien se binnegoed nie.

EN hierdie boerseep-gel SKUIM HEERLIK (ons gebruik net natuurlike en onskadelike middels om die skuim te bewerkstellig - jy's veilig in Boervrou se hande)

*Die Boervrou se boerseepgel ruik heerlik - ons geur dit met natuurlike sitroengras vlugtige olie.